أميـــــــــــره ؟

ياقلمْ شعري تجمـّــل ... خط لـي بيت القصيــد = مقصدي انسان غالي ... راعي النفـس الصّغـــيره
حبـه بقلــبي تســلّل ... يجري بــدم الوريــد = شـاغـلٍ فكـري وبـالي ... مـن زمــن وانـا اسـيره
كم دلّعني ودلّل ... مثلما الطفل الوليد = عايـشْ بْعـالم خَيـالي ... صـارت احلامي كبيـره
فـي حيـاتي هـو مخوّل ... ياخذ اللـي هو يريــد = مرخـصٍ حـالي ومـالي ... تحت أمـره هـو يديــره
خايف الوقت يْتبدّل ... وينتهـي الحب التّلـيـد = كيف اقضّيها الليالي؟! ... ما شغلـني حـد غيـره !!
عقب خلـّي كيـف بقبـل ... بالمحبـه من جديـد = مابـقي بالعمـر تالي ... أحسـب ايامـي الأخـيره
جـلّ من صـوّر وكمّــل ... وابدع الحسْن الفريـــد = له حواجب خطّ دالي ... وْوجه كالشمس المنيـره
قال احبــك ما تحمّل ... قال لي حبي الوحيـــد = ويابعـد عمــري وحـالي ... قـال لي اشيـا كثيـره
اسمحـوا لي مابطـوّل ... وان طلبتـون المزيــد = ذا جــوابي ع الســؤالي ... انشـدوا عنــه اميــره !!

جمر الغضب كتب:

و عليكم السلام ورحمة الله وبركاته


اشكرك على هالكلمات الرائعه واتمني لك المزيد من التقدم


الله يعيطك العافية الغالي


مع تحياتي : أسيرة : جمر الغضب

شكرا