يا... ويا...ويا...ويا...

حيييييييييييييهم


مبروك عليكم الشهر اولا

والسموحه ع الغيبه ثانيا

حبيت اشاركم بها القصيده البسيطه وعساها تنال قبولكم



كـــــيف تسألني عن الشوقي *** وانته فــــــوق الرمش لي قاعد

لك منصه وشــــــــان مرموقي *** يــــــــــــــــاغيابن دوم متواجد

يـــادوى "داوود" يــــــــــاعوقي *** ياجمع واحـــــد على واحــــــد

يالهجــــــــوس اللي به طروقي *** تستعيف العــــــــــوف والكايد

يااصدق امن الدمعه ع الموقي *** لي جرت م العـــــــابد الساجد

يـــــاوريـــــــــــــد يمد لعروقي *** بالحيـــــــــاه وبه الجسد جامد

يـــــــــاضلامي وانته اشروقي *** يــــــــــــــاشويه من اصل وايد

يــــــــــــالزلال العذب فالذوقي *** يـــــــــا لظا النمـــــرود يالواقد

يــــاسكوتي وزيــــــن منطوقي *** ياصغيـــر السن يــــــــالراشد

كــــــــــاضمن للغيظ واحموقي *** يالدلع يالنـــــــــــاقص الـــزايد

تختلف عن كــــــــــــل مخلوقي *** وبك تجلت قدرة الــــــــــواحد

طيـــــــــــــر قلبي رفرف يتوقي *** عندك وادريــــــــــه هب عايد

يـــالســـــــؤال الصعب ياارفوقي *** كيـــــــف يغلب جندي القايد؟

ســـــــــــــاعه كنك ريم غرنوقي*** وســــــاعه كنك عنصر امحايد